Rumaki Reo Unit
He mihi tēnei ki te runga rawa, nānā nga mea katoa. He mihi ano mo nga tangata kua wheturangitia, haere, haere, haere atu. Me tuku mihi atu ki a Kingi Tuheitia Potatau Te Wherowhero Te Tūāwhitu me tōna hoa wahine, orāua whanau, tamariki te kāhui ariki hoki. Paimarie, paimarie Pamarie. Kia tātou te hunga ora, he mihi mahana ki ā tatou katoa. Tena koutou, tena koutou, tena tātou katoa.
Tamariki
Ko te Akomanga Tūātoru te akomanga o te Rūmaki Māori. I roto i tēnei akomanga e rere ana te reo Māori- kia Māori te rere, kia tika te rere. Kia tu maia kia mataara. ‘Poipoia te kakano kia puawai’
Kia marama ngā tamariki ki te ngako o te korero “He Māori Ahau”. Ahakoa no hea te tamaiti, ahakoa ko wai te tamaiti. Kia tu maia, kia angitu te tamaiti i roto i tēnei ao. Ma māua e poipoi. Ma te kura e tautoko i a rātou. Ko ngā tamariki kei roto i te Rūmaki Māori i tēnei tau mai i te Tau Ako Tūātahi ki te Tau Ako Tūāono. No reira, nau mai! Haere mai! Kuhu mai!
Ko Whanau pani, Te Mahurehure, Tamakaimoana ratou ko Ngai Te Riu ōku hapu.
Ko Ohotu, Ko Te Rewarewa, Ko Piripari ratou ko Tatahoata ōku marae.
Ko ōku maunga ko nga maunga o Ngai Tūhoe.
Ko ōku awa ko nga awa e rere ana i roto i ngā whenua o Te Urewera, o Ngai Tuhoe hoki.
Ko Molly Kutia tōku ingoa. Ko ahau te kaiako o te Rūmaki Māori o Whaia te Matauranga kei raro i te marumaru o te kura o Sutton Park. Ko ahau ano te ringa kaiarahi i te reo Māori, ngā tikanga Māori, ngā āhua Māori i roto i te kura nei. No reira, tena koutou, tena koutou, tena koutou katoa.
Ko Ngatokimatawhaorua toku waka. Ko Ngapuhi toku iwi. Ko Te Mahurehure toku hapu. Ko Tuhirangi, Otatara me Moehau oku Marae. Ko Whakatere toku maunga. Ko Waikaramihi, Waima me Moehau oku awa.
Tuihirangi Marae
Otatara Marae
Moehau Marae